Kreu i opozitës, Lulzim Basha tha se nuk ka truk që e ndal ndryshimin më 25 prill.

“Nuk ka marifet që e ndal ndryshimin. Nuk ka marifet që e ndal votën e shumicës. Ndryshimi është i pandalshëm, sepse është për të ardhmen e tyre. Njerëzit janë të pandalshëm, e kam parë në sytë e tyre. Është shumë e rëndësishme që ditën e diel, nuk ka shans të dytë, të shkohet në votime”, theksoi Basha në emisionin “Zonë e Lirë”.

Basha u ndal edhe tek takimi dje në Durrës me rreth 500 socialistë që premtuan votën për ndryshimin.

“Dje më ka ndodhur diçka që nuk besoja se do të ndodhte në jetën time politike. Kam pasur një takim me 500 socialistë në Durrës. Është kudo! Nga Korça në Shkodër, nga Vlora në Durrës. Është dita e tyre! Sondazhi më i fundit na nxjerr të paktën tre herë më lart në Tiranë”, shtoi ai