Ferdinad Xhaferaj, i cili fitoi mandatin e deputetit më 25 prill, ka treguar se në garën për kryetar të PD-së, ai mbështet Lulzim Bashën. Xhaferaj shkruan se Basha ka luftuar gjatë opozitës, si dhe gjatë muajit të fushatës, për të kthyer sadopak normalitetin në vend. Në mesazhin e tij, ai thekson se garat dhe respektimi i çdo aspekti të tyre janë jo vetëm kusht për një demokraci funksionale, por edhe thelbësore për të garantuar një PD më të fortë dhe më të bashkuar pas 13 Qershorit.

Postimi i plotë

Në një vend ku çdo ditë luftohet demokracia dhe çdo parim i saj, sigurisht që përbën lajm ndjekja e rregullave të një gare krejt legjitime.

PD dhe kryetari i saj Lulzim Basha kanë luftuar gjatë opozitës si dhe gjithë muajt e fushatës për të kthyer sadopak normalitetin në një vend ku jemi të vjedhur nga çdo parim moral dhe etik.

Detyra institucionale si kryetar i PD Durrës, vlerat e qytetit që përfaqësoj, shkollimi im si dhe eksperienca politike, më çojnë të jem në krah të çdo kandidati i cili vjen në emër të Partisë Demokratike.

Garat dhe respektimi i çdo aspekti të tyre janë jo vetëm kusht për një demokraci funksionale, por edhe thelbësore për të garantuar një PD më të fortë dhe më të bashkuar pas 13 Qershorit