Ajo që pritej, ndodhi.

Kryebashkiakët e emëruar nga Edi Rama në 30 qershor 2019, kanë vendosur sot që të shkarkojnë Voltana Ademin nga detyra e kryetares së Shoqatës së Bashkive së Shqipërisë.

Kjo mbledhje, që kishte për synimin shkarkimin e Ademit u thirr nga Pjerin Ndreut, kryebashkiak i Lezhës dhe u mbajt po në zyrat e Bashkisë së këtij qyteti.

Më pas, Pjerini ka vendosur që të emërojë veten si kryetar të kësaj shoqate, duke zgjedhur dhe dy zëvendës të tij, Alma Hoxhën dhe Ilir Xhakollin.

Pas kësaj mbledhje, pritet që shoqata e drejtuar nga Pjerini ti drejtohet Gjykatës Kushtetuese për të tërhequr padinë e depozituar me qëllim shpalljen anti-kushtetuese votimet e 30 qershorit 2019, ku mori pjesë vetëm PS dhe Rama emëroi kë donte si kryebashkiak.

‘Në Asamble marrin pjesë kryetarët e bashkive, zgjodhëm ekipin drejtues të shoqatës e cila kishte dy vite që nuk mblidhej dhe nuk funksiononte.

Kërkuam mbledhjen e jashtëzakonshme të asamblesë, u zgjodh kryesia e përbërë nga tre vetë, unë u zgjodha kryetar.

Ne nuk merremi me fantazira, në shoqata aderojnë bashkitë dhe jo kryetarët, nuk ka të bëjë me emrin e kryetarit, nuk kanë të bëjë emrat’,- është shprehur Pjerin Ndreu pasi u vetëemërua kryetar