Ambasadorja amerikane Yuri Kim ka mirëpritur grupin e parë të qytetarëve afganë që mbërritën në Shqipëri, në orët e para të së premtes, rreth orës 3:00. Znj. Kim shoqërohej nga Ministrja e Mbrojtjes Olta Xhaçka.
Ambasadorja shkroi në Twitter, falenderimin e saj në emër të SHBA: “Pritëm grupin e parë të afganëve që janë në kërkim të një strehimi të përkohshëm në Shqipëri. Siç ka bërë gjithmonë, populli shqiptar dhe një herë ofroi mikpritje dhe mbrojtje ndaj kujt ka nevojë më shumë. Jemi krenar t’ju quajmë miq dhe aleatë”, shkroi ambasadorja Kim
