Berisha: Rama është bërë vasal i Beogradit, opozita i ka bërë fresk këto 8 vite

Tuesday, 19 October 2021 18:14

 

Nga Foltorja e Dibrës, lideri historik demokrat, Sali Berisha, tha se Edi Rama ka bllokuar integrimin dhe e ka bërë vendin një vasal të Beogradit.

“Kjo qeveri e krijoi vetë krizën energjetike me vjedhje. Ky ka qenë viti, ta dini nga unë, ndër më të mbarët në prodhimin e energjisë. Ndoshta për herë të parë, Shqipëria ka prodhuar gjer në fund të shtatorit, 7.2 miliard kilovat/orë. Por këta kanë shitur energjinë në gusht dhe shtator, me 40 dhe 50 euro kilovatin, në një kohë kur në bursë ajo shitej 130 euro. Dhe tani dalin e blejnë me taksat tuaja 210 euro kilovatin. Kjo është katastrofë e krijuar tërësisht nga qeveria”.

“Ky Kuvend që mbahet dhe ringritja e PD është interes jetik kombëtar. Këto tetë vite ylli ynë polar duhej të ishte integrimi në BE. Nordi ynë duhej të ishte ecja drejt BE-së. E kundërta ka ndodhur. Edi Rama u lidh në një mënyrë prej vasali me Aleksandër Vuçiç dhe në vend të nismave evropiane, nismës së Berlinit, ndërmori nismat e Serbisë së Madhe dhe të Vuçiçit. U angazhua në mënyrë antikombëtare në projektin e ndarjes së Kosovës. U angazhua në aleancë kundër Kosovës dhe shqiptarëve. Armik i betuar i qenies sonë kombëtare, e ka shndërruar Tiranën në megafon të luftës së ftohtë kundër Prishtinës. Dhe të gjitha këto me urdhër të Beogradit.

Ne nuk jemi kurrë që Shqipëria të bëhet vend vasal i serbomadhit Vuçiç, që përfaqëson një Millosheviç në vete. Sa i përket ultranacionalizmit, Vuçiç është po kaq i verbër dhe i egër sa padroni i tij. Ky njeri nuk njeh gjenocidin në Srebrenicës, një njeri që mohon masakrën e Reçakut dhe masakrat e tjera. Që nuk njeh gjenocidin ndaj shqiptarëve. Rama i mban ison dhe refuzon të njohë gjenocidin e luftës”.

 

“Një e keqe shumë e madhe është gjendja ku është katandisur PD nga ish-kryetari i saj. Sot Edi Rama, ka bllokuar integrimin, ka vrarë masivisht shpresën e shqiptarëve. Po ku është opozita? Opozita i bëri fresk qeverisë, pasi në 8 vite nuk ishte në gjendje të imponojë asnjë nisëm tjetër përveç dekriminalizimit.

Ne do qëndrojmë dhëmb për dhëmb ndaj këtij regjimi që po spastron Shqipërinë dhe shqiptarët”.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Edhe Llogaraja mbulohet nga borë e dendur, fshati pa energji elektrike

Aktualitet

Edhe Llogaraja mbulohet nga borë e dendur, fshati pa energji elektrike

  Reshje dëbore ka pasur edhe në Llogara gjatë orëve të mbrëmjes dhe në orët e para . Temperaturat e ulëta kanë bërë që fshati turistik i Llogarasë të zgjohen në...

Erdhi dimri/Java nis me shi dhe dëborë në zonat malore, temperaturat do të zbresin deri në -8 gradë celsius

Moti

Erdhi dimri/Java nis me shi dhe dëborë në zonat malore, temperaturat do të zbresin deri në -8 gradë celsius

  Vendi ynë gjatë kësaj jave do të jetë nën mbizotërimin e kushteve të paqëndrueshme atmosferike, që do të sjellin reshje shiu gjatë ditës së sotme, por edhe në vijim pritet...

U fut në tualet ti shpëtonte flakëve, si humbi jetën vajza 12 vjeçe

Kronikë

U fut në tualet ti shpëtonte flakëve, si humbi jetën vajza 12 vjeçe

  Të tjera detaje janë bërë të ditura në lidhje me vdekjen e 12-vjeçares në Derviçan të Gjirokastrës, banesa e të cilës u përfshi nga flakët. Shkak i zjarri në banesë është...