Presidenti i Tirana Bussines University, Artan Hoxha,në një intervistë me Skype me moderatoren Sonila Meço, foli për sondazhet e NOTO-s, ku Sali Berisha del qartë fitues ndaj Lulzim Bashës.
Hoxha thekson se diferenca mes Berishës dhe Bashës është e dukshme.
Ai shton se Sali Berisha mbështetet nga më shumë se 70 përqind e anëtarëve të PD-së.
“Sondazhet tregojnë qartë se diferenca është shumë e madhe. Duket se Berisha mbështetet nga mbi 70 për qind e anëtarëve të PD. Diferenca shkon 80 me 10 dhe 10 për qind që është elektorat i pavendosur tek anëtarët. Kur vijmë tek Kuvendi, dimë se ka 7 800 vetë e është numër i lartë.
Atë që shohim si qëndrim të anëtarësisë, do ta shohim në nivelin e anëtarëve të Kuvendit. 4 200 firmat janë reale. Unë kam burimet e mia që ma konfirmojnë. Firmëtarët janë nxitur që ta publikojnë në mënyrë publike firmën e tyre”, deklaroi Hoxha
