Përmbytet sërish Librazhdi.

Reshjet e rëna në ditën e sotme, kryesisht gjatë pasdites kanë shkaktuar probleme në qytet.

Përmbytja e qytetit është shkaktuar nga shpërthimi i pusetave dhe kolektorëve të ujërave të zeza.

Problematike ka qenë situata në kryqëzimet e rrugëve brenda në qytet, pranë Komisariatit të Policisë, Rruga Jakup Biçaku, pranë Drejtorisë Arsimore, segmentet në brendësi të qytetit, pranë selisë së PD dhe te restorant "Sopoti" .

Punimet në ujësjellës kanalizime vazhdojnë të krijojnë probleme që prej një viti gjithmonë kur ka reshje.

Ndërkohë që vlen të theksohet se Librazhdi iu shtua hartës së qyteteve që rrezikohet nga përmbytjet që prej rehabilitimitë të qendrës së qytetit në kuadër të "Rilindjes Urbane".

Gabimet në projektim dhe disiplinimin e ujërave kanë sjellë për herë të parë në histori përmbytjen e qytetit të Librazhdit edhe pse pozicioni i shtrirjes së tij në kodër, e bën pothuajse të pamundur përmbytjen nga natyra