Lidhjet e grupit të Lulëzim Bashës me njerëzit e pushtetit, ndaj të cilëve hakërrehen e i shajnë publikisht, po zbulohen tanimë jo vetëm në kuadër të thashethemeve mediatike, por edhe të dokumentuara me pamje.

Deputetit të Bashës, Arbi Agalliu, një ditë më parë iu publikua në rrjetet sociale një foto gjatë një takimi me kryeministrin Edi Rama në Lungomare të Vlorës. Në reagimin e tij në rrjetet sociale, Agalliu shkruante se takimi kishte qenë krejt rastësor dhe ai i takon njerëzit që i dalin para. Ndërkohë, për Ramën, deputeti ka hedhur publiksiht akuza të shumta

Por sot, një tjetë fotografi e këtij deputeti është publikuar me kryebashkiakun e Tiranës Erion Veliaj. Duket se foto është shkrepur në zyrën e Veliajt dhe të dy shfaqen të qeshur krah njeri-tjetrit.

Ish-kryeministri Sali Berisha, por edhe anëtarë të tjerë të Komisionit të Rithemelimit, si dhe media e personazhe publikë kanë folur për lidhje të Lulzim Bashës e mbështetësve të tij me Edi Ramën dhe fraksione të ndryshme të pushtetit.