Anëtari i Komisionit të Rithemelimit të PD-së, Arben Ristani ka folur nga Vora në lidhje me procesin e votimeve në primare.

Ai është shprehur se, këto primare janë historike për Shqipërinë.

I pyetur nga gazetarët në lidhje me kandidatët që pritet të nxjerrë deputeti Lulzim Basha, Ristani u shpreh se ‘kandidatët e Bravës janë të pallogaritshëm në këto zgjedhje’.

‘Një votim normal dhe më në fund të do të kemi për herë të parë në Shqipëri dhe në partitë politike shqiptare, primare për të zgjedhur kandidatët për bashkitë.

Drejt një koalicioni dhe kandidatët do të jetë të mbështetur nga një koalicion partish.

Besoj se do të vijnë ata që kanë për të votuar. Ne nuk ka ngut asgjë. E rëndësishme është që çdo kush që kërkon të votojë, të vijë dhe të votojë.

Partia Demokratike do të ketë kandidatin e vet, të dalë nga këto zgjedhje që ju po shikoni dhe kandidatët e Bravës janë të pallogaritshëm në këto zgjedhje’, tha gjatë fjalës së tij, Arben Ristani.