Organizata e Traktatit të Atlantikut Verior, NATO (North Atlantic Treaty Organisation) është themeluar me firmosjen e Traktatit Atlantiko-Verior më 4 prill 1949 me qendër në Bruksel.
Organizata ka në themel një sistem mbrojtjeje kolektive ku vendet anëtare bien dakord të mbrojnë njëra-tjetrën në rast sulmi nga një palë e jashtme.
Pas përfundimit të ratifikimit të protokollit të anëtarësimit nga të gjitha vendet anëtare dhe depozitimit të instrumentit të aderimit në NATO në Departamentin Amerikan të Shtetit, Shqipëria u anëtarësua zyrtarisht në NATO më 1 prill 2009.
Shqipëria mori për herë të parë pjesë si anëtare me të drejta të plota e Organizatës së Traktatit të Atlantikut Verior në samitin që u mbajt në Strasbourg/Kehl më 4 prill 2009, ndërkohë që më 7 prill 2009, në selinë e Aleancës në Bruksel, u zhvillua ceremonia zyrtare e ngritjes së flamujve të Shqipërisë dhe Kroacisë në NATO.
Por, edhe pse Shqipëria është anëtare e NATO-së, prej vitit 2009, ka deputetë të Kuvendit të Shqipërisë, që “mburren” për këtë arritje, por nuk dinë se çfarë është NATO.
I tillë është rasti i deputetit të Lulzim Bashës, Ervin Salianji.
Në një prononcim mediatik, Salianji është pyetur se çfarë do të thotë NATO. Dhe përgjigja e deputetit të Lulit ishte “Aleanca Transatlantike, është anglisht, kombe të cilat janë të bashkuara në një lëndë transatlantike. Nation Atlantic”. Dhe ky është një nga ata më të diturit e Lulit që organizon skenarë alla Babale, imagjinoni si janë të tjerët.
