Një ditë më parë u arrestua në Itali për korrupsion ish-gjenerali i Guardia di Finanza-s, Fabrizio Lisi, i cili njihet për lidhjet me kryeministrin Edi Rama dhe Sekretarin e Përgjithshëm të Kryeministrisë, Engjëll Agaçi.
Prangosja e ish-gjeneralit është komentuar edhe nga ish-kryeministri Sali Berisha nga Vora, gjatë prezantimit të kandidatit për kryetar bashkie, Lulzim Vrana.
Berisha tha se në afera me gjeneralin italian është edhe vetë kryeministri Edi Rama.
"Sekretarit të Përgjithshëm të mafies shqiptare në Kryeministri, Engëll Agaçit, i doli dosja me Gjeneral Lisin me të cilin ka afera shumë të mëdha. Por edhe me 90% edhe vetë Edi Rama. Antimafia italiane është një prokurori e shkëlqyer që ndihmon kombin e vet por edhe vendet e tjera ku shtrihet mafia", u shpreh Berisha
