Presidenti Ilir Meta ka cituar sot, një mesazh domethënës të Presidentit të Gjermanisë lidhur me pozicionin e një kryetari shteti në situata si këto ku Meta po gjendet, kohët e fundit. Dhe duket se Meta do të ecë me të njëjtën vendosmëri dhe qëndresë si homologu Steinmeier.

Presidenti Ilir Meta shkruan: “Një mesazh shumë i qartë i Presidentit të rizgjedhur të Gjermanisë, Frank-Walter Steinmeier për raportet që duhet të ketë një President me kauzën e demokracisë:"Unë do të jem jopartiak, por nuk jam asnjanës kur bëhet fjalë për kauzën e demokracisë. Kushdo që lufton për demokraci më ka në krah. Kushdo që e sulmon, do të më ketë kundërshtar."

Presidenti Meta është në pritje të vendimit të Gjykatës Kushtetuese, për shkarkimin e kërkuar nga deputetë të mazhorancës.
Mesazhi i sotshëm erdhi një ditë pasi i dërgoi urimet më të përzemërta, Presidentit Frank-Walter Steinmeier për rizgjedhjen në krye të Republikës Federale të Gjermanisë