Deputeti demokrat, Belind Këlliçi gjatë fjalës së tij sot në Komisionin Hetimor Parlamentar për Inceneratorët , është ndalur tek milionat që kompanitë e inceneratorëve kanë paguar për agjenci turistike.
Këlliçi e ka pyetur administratoren e kompanisë “Integrated Energy”, Ariola Kodra se si ka mundësi që sipas tij janë paguar 804 milione lekë për udhëtime në një kohë pandemie.
Administratorja Kodra i është përgjigjur se shifrën e saktë s’e ka parasysh por punonjësit kanë bërë udhëtime nëpër shtete të ndryshme për të takuar kontraktorë.
“Po janë bërë për të takuar kontraktorë… Kanë udhëtuar për takuar kontraktorë që do marrin pjesë për ndërtimin e impianteve. Të gjitha pajisjet e impianteve të trajtimit të mbetjeve, prodhohen jashtë vendit“, tha Kodra
