Lideri historik i demokratëve, Sali Berisha gjatë takimi entuziast në zonën e ish-Kënetës në Durrës, është shprehur se vota e banorëve të 6 bashkive është një mesazh për të gjithë shqiptarët.

‘6 marsi është një zgjedhje, vërtetë për kryebashkiakut e Durrësit, Shkodrës, Dibrës, Lushnjes, Rrogozhinë e Vorë, por është një mesazh i madh që ju u dërgoni mbarë shqiptarëve. Është një dritë shprese që u jepni të rinjve shqiptarë.

Ne duhet të bëjmë gjithçka që të ndezim shpresën në shpirtin e rinisë, pasi ata do ndërtojnë Shqipërinë ta ngrejnë atë në nivelin e ëndërrave më të bukura.
Shpresa për të rinjtë dhe veten tonë është një mision i madh. Kudo ku shkoj dëgjoj ulërimën e sirenave të largimit të të rinjve.
Kjo situatë ndryshon vetëm nëse u kthejmë shpresën të rinjve’, deklaroi lideri historik i demokratëve, Sali Berisha