Kandidati i Shtëpisë së Lirisë për Bashkinë e Shkodrës, Bardh Spahia, ka qenë i ftuar në një debat të hapur Organizuar nga "Young Intellectuals Hope" dhe ambasada e Suedisë.

Ndërkohë, janë tërhequr nga debati publik dy kandidatë të tjerë në garën për kryebashkiak të Shkodrës, Majlinda Angoni dhe Xhemal Bushati.

Spahia vlerësoi se data 6 mars është ditë historike për Shkodrën e mbarë Shqipërinë.

“Ky është moment historik. Kemi shumë punë për të bërë. Ftoj të gjithë qytetarët që të bashkohen me këtë ndryshim të madh që do nisë me Shkodrën, por do të përhapet në të gjithë Shqipërinë.

Unë besoj se edhe shëndetësia ka nevojë që të përmirësohet, mos të ketë më korrupsion e situata të jetë më e stabilizuar”, deklaroi Spahia