Dy kandidatët për bashkinë e Durrësit, Emirjana Sako dhe Luan Hoti nuk janë përballur dot me kandidatin e ‘Shtëpisë së Lirisë’ Ardian Muka në një takim të thirrur nga të rinjtë.
Edhe pse ishin ftuar publikisht, Sako dhe Hoti nuk kanë shkuar për të diskutuar në lidhje me Durrësin dhe sfidat që e presin këtë qytet.
Të dy kandidatët, i Ramës dhe i Bashës nuk kanë dhënë asnjë arsye në lidhje me braktisjen e takimit, ku i pranishëm ishte vetëm Ardian Muka i cili ka diskutuar me të rinjtë dhe ka publikuar synimet e tij, për Durrësin.
Misioni i organizatës “Qëndresa Qytetare” është fuqizimi i rolit të qytetarit në shoqëri, nëpërmjet advokimit të politikave, ndërgjegjësimit dhe pjesëmarrjes qytetare dhe zhvillimit të kapaciteteve të grupeve komunitare për një qeverisje të mirë.
