Deputeti i PD-së Tritan Shehu, në intervistë me Skype për moderatoren Armela Ferko në Edicionin e Pasdites në Syri Tv, komentoi nismën e Ballkanit të Hapur.

Shehu theksoi se Ballkani i Hapur është rrezik, për shkak të influencave serbe dhe ruse në rajon.

“Serbia u rreshtua krah Rusisë e është e rëndë që një rreshtim të tillë e bën një vend yni fqinj. Serbia zgjodhi rrugën e saj drejt lindjes, drejt Rusisë. Ballkani i Hapur duket se ka interferenca të forta serbe e ruse në rajon.

Nuk mund të qëndroj indiferent ndaj faktit se në Ballkan ka influence serbe dhe ruse, duke e bërë këtë projekt antieuropian dhe antiperëndimor. Perëndimi e dënoi ashpër qëndrimin e Serbisë ndaj pushtimit rus në Ukrainë. Rama duhet që të deklarojë që del nga Ballkani i Hapur dhe të dënojë Serbinë që po merr hapur krahun e Rusisë”, deklaroi Shehu