Lideri historik i PD-së Sali Berisha, i ftuar në emisionin Çim Peka Live në Syri Tv, komentoi luftën në Ukrainë.

Berisha theksoi se Vladimir Putin është politikan kriminel, duke shtuar se ëndrra e tij është që të ndërtojë Bashkimin Sovjetik me gjak e hekur.

“Sulmi mbi Ukrainën bëhet nga një politikan kriminel. Perëndimi përherë ka dashur që të mbajë raporte të mira me Putin, sepse Rusia konsiderohej partner, ka pasur vlerësim për ndryshimet ekonomike në Rusi. Po bëheshin ndryshime, por se u faktua se njeriut që iu la të bëhej ky ndryshim, Putin, kishte dalë nga shërbimet sekrete më të egra të botës, ai do që të krijojë sërish BS-në me gjak e hekur, ushtarakisht.

Putini dëshmoi se është diktator gjakator. Mendoj se pasi ndodhi Kabuli, NATO e vendet e tjera perëndimore janë në kaos, Putini sulmoi një komb si vëlla. Ukrainasit po guxojnë në mbrojtjen e vet, Putin po sulmon Ukrainën e lavdi Ukrainës”, deklaroi Berisha.