Një ndër të arrestuarit e sotëm për aferën e inceneratorëve, mësohet se është edhe Ariola Kodra, Administratore e Inceneratorit Integrated Energy BV SPV.
Kujtojmë se administratorja e kompanisë koncesionare “Integrated Energy BV SPV”, Ariola Kodra pranoi në Shkurt para komisionit hetimor për inceneratorët se ka kontrata me kompanitë në zotërim të Klodian Zotos dhe Stella Gugalles, se janë shpenzuar 84 milionë lekë të reja për udhëtime dhe se babai i deputetit Alqi Bllako ka qenë i punësuar pranë kësaj kompanie
Kodra pranoi kontratat, duke sqaruar se “shoqëria Integrated Energy BV SPV ka marrëdhënie kontraktuale dhe jo nga vetvetja, me Zoto Consulting, e cila ofron konsulencë ligjore dhe me Consulting SE Partners, e cila ofron konsulencë financiare”.
