Gazetari Andi Bushati thotë se ambasadorja amerikane nuk ia doli të çojë në fund misionin për të vrarë politikisht Sali Berishën. Në emisionin “Të Paekspozuarit”, Bushati tha se me fushatën kundër Berishës, Kim provokoi të kundërtën: ringjalljen e Berishës.

Ka një vendim të DASH për të goditur Berishën. Problemi im me rolin e Kim nuk është se po sillet keq me skenën politike në Shqipëri. Problemi është se ajo ka marrë një mision: Blinken e shpalli Berishën non grata. Qartas ajo mori detyrën që Sali Berishën ta fusë në arkivol, t’i fusë gozhdët dhe ta nxjerrë nga politika. Ky ishte misioni që asaj i dhanë shefat. Në këto 7 muaj ajo vetëm ka shkulur gozhdët e arkivolit dhe nga një Sali i vdekur na ka sjellë një Berishë të ringjallur. Problemi me Yuri Kim është që ka bastarduar detyrën që i dhanë shefat. Kjo është ambasadorja më e dobët dhe më e paaftë që në këto 30 vjet hiperfuqia na ka servirur në këtë vend.