Partia Demokratike zhvillon sot zgjedhjet për kryetarët e rinj në dhjetë degë të saj, konkretisht në disa degë të Tiranës, në Kuçovë, Skrapar, Elbasan.

Komisionit të Organizimit dhe Kontrollit të Operacioneve Elektorale të PD njoftoi se ditën e shtunë, datë 16 prill 2022, procesi i votimit është hapur në orën 8.00 e do të mbyllet në orën 18.00.

Në rast se në Qendrat e Votimit do të ketë ende votues, procesi do të vijojë edhe pas orës 18.00, deri kur edhe anëtari i fundit i PD së degës përkatëse të ketë votuar.

Për shtyrjen e votimit do të njoftohet Komisioni I Organizimit dhe Kontrollit të Operacioneve Elektorale.

Komisioni i ftoi të gjithë anëtarët e PD të këtyre degëve të sipërpërmendura të bëhen pjesë e procesit të votimit për zgjedhjen e Kryetarit të degës së tyre sipas parimit “një anëtar një votë”, për një Parti Demokratike më të bashkuar, më të fortë e më të hapur