“Do ta bëjmë Edi Ramën të na njohë dhe, të na njohë mirë! Këtu do të jemi!" - Këtë premtim, të shkëputur nga konferenca e tij e fundit për shtyp, e ka veçuar sot lideri historik i PD-së, Sali Berisha dhe e ka publikuar në Fb, si një përshëndetje për mbështetësit e tij.

Në konferencën e datës 4 maj, ish-kryeministrit iu bë pyetja: “Si do të arrini të ndryshoni Kodin Zgjedhor për t’ua mundësuar votën emigrantëve, në kushtet kur as Edi Rama nuk iu njeh por dhe ju, në disa raste keni mohuar çdo lloj komunikimi me mazhorancën socialiste?!”

Dhe përgjigja ishte e shkurtër dhe konçize: “Do ta bëjmë Edi Ramën të na njohë dhe të na njohë mirë! Do ta bëjmë! Këtu do të jemi!”