Sot në orën 11.00 në Hotel Plaza do të mbahet një tryezë diskutimi me temë: "TË RIKTHEJMË SHQIPËRINË NË RRUGËN EUROPIANE".
Sfidat e Shqipërisë drejt Integrimit Europian do të diskutohen nga ekspertë, diplomatë, akademikë e gazetarë.
Pjesëmarrës në tryezë do të jetë edhe kryetari i Partisë Demokratike, Prof. Dr. Sali Berisha.
Organizatori i tryezës, deputeti dhe drejtuesi i Sekretariatit për Integrimin në PD, Edmond Spaho tha: "Në tryezë do të shprehet qëndrimi i Partisë Demokratike ndaj Integrimit Europian, hapjen e negociatave si edhe do të diskutohen probleme të cilat kanë të bëjnë me shtetin e së drejtes, krimin, korrupsionin, ekonominë, administratën publike, etj, si kritere themelore për hapjen e negociatave".
