Presidenti i Republikes Ilir Meta ka dekoruar sot me titullin e larte “ Gjergj Kastrioti Slenderbeu “ Prof Dr Aurel Plasari . Mes shume e shume veprave me vlere te jashtzakonshme Profesor Plasari eshte dhe autori i librit “ Skenderbeu” nje kryeveper kjo shkruar per heroin tone kombetar. Vete Presidenti Meta u shpreh:
🇦🇱 E posaçme kënaqësia, që me praninë e shumë personaliteteve nga fusha të ndryshme të jetës, të vlerësoja sot një figurë poliedrike dhe të ndritur të kombit tonë, autorin e shumë librave dhe eseve, përkthyesin e një numri kryeveprash botërore, historianin, studiuesin, mendimtarin dhe profesorin e shquar universitar, Aurel Plasari.
Me mirënjohje për kontributin e vyer dhe të jashtëzakonshëm në ndriçimin e vlerave kombëtare me ndikim të veçantë në shoqërinë shqiptare, si promovues dhe mbrojtës i palodhur i identitetit kombëtar dhe europian të shqiptarëve, dhe në nderim të punës dhe realizimit të veprës tanimë të vlerësuar si më e suksesshmja e dekadave të fundit kushtuar figurës dhe epokës së Heroit tonë Kombëtar, i akordova Profesor Plasarit, Titullin e lartë “Gjergj Kastrioti Skënderbeu”.
Shumë urime dhe krijimtari sa më të begatë në shërbim të kombit!