Kryetari demokrat, Sali Berisha, postoi një video ku shfaqet Taulant Balla i PS dhe kryebashkiaku i Fierit, Armando Subashi, duke kënduar këngë partizane.
“Aheng Balla-Subashi, për mbylljen e dosjes nga “Skapi” i partisë, për djegësin e Fierit!” shkruan Berisha.
Një ditë më parë, SPAK dërgoi në gjyq 21 të akuzuar për inceneratorin e Fierit. Megjithatë në listë nuk është emri i kryebashkiakut të Fierit, Armando Subashi.
Prokuroria thotë se ka provuar shkelje të ligjit që me procedurat e ndjekura për dhënien e koncesionit, e në vijim më shpronësimin si “tokë truall” të vendit ku do të kryhej ndërtimi, ndërsa ishte “tokë arë” dhe më pas me përpilimin e faturave fiktive për punime që nuk ishin kryer.
Por Subashi megjithatë ka shpëtuar këtë herë. Më përpara ka pasur spekulime nga mediat se Subashi ishte në listën e personave që do arrestohej, por doli çuditërisht prej saj.
