Rama shpëton Vuçiçin/ Kritikon Europën për sanksionet ndaj Rusisë

Premte, 20 Janar 2023 09:51

 

I ndërgjegjshëm se do të ishte një shënjestër e lehtë mes një paneli europianësh për flirtin me Putinin, Aleksandër Vuçiç tentoi ta shmangë temën e luftës në forumin, ku mori pjesë me kryeministrin e Shqipërisë, Edi Ramën, kryeministrin e Irlandës Leo Varadkar dhe presidenten e Parlamentit Europian Roberta Metsola.

Por moderatorit të takimit në Davos, Edmond Anderlini nuk kish si t’i shpëtonte ky detaj. Përveç paraqitjes së pazakontë të Edi Ramës, që u shfaq në takim me atlete, loja me dy porta e Serbisë ishte një shpresë se paneli do dilte nga rutina e mërzitshme e bisedave të tilla.

 

Në fakt, Vuçiç e anashkaloi pyetjen provokuese, nëse mendonte se Putini ishte një kriminel lufte. Por ai sqaroi se pse Serbia nuk iu bashkua sanksioneve të BE dhe SHBA për të ndihmuar Ukrainën. “Ne i kemi përjetuar këto sanksione për 10 vjet. Dhe nuk ishim të lumtur për ato. Nuk mendoj se do të sjellin rezultate të mira,” tha Vuçiç.

Pas kësaj, e bëri të qartë se Putini nuk i dukej lunatik, siç flitej rëndom në kancelaritë perëndimore. Pas këtyre, nuk foli më.

Por ajo që ndodhi më pas, ishte po aq e habitshme. Qëndrimi i Serbisë për të mos i vënë sanksione Rusisë u justifikua nga kryeministri i Shqipërisë Edi Rama, i cili vuri në dyshim zgjedhjen që kishte bërë Bashkimi Europian. “Me aq sa e kuptoj unë botën, nuk po e zëvëndësojnë burimin e pisët rus me disa burime të pastra nga demokraci vibruese. Është edhe tregu pjesë dhe nuk do të nxitoja”, tha Rama.

Përpjekjet e gazetarit Edmond Anderlini për ta sqaruar deklaratën, nëse Rama po i referohej Katarit kur fliste për burimet alternative që nuk janë vende demokratike, nuk mori përgjigje.

Por ndërhyrja që bëri Rama ishte një lehtësim për Vuçiçin, i cili ka qenë vazhdimisht nën presion për faktin se nuk iu bashkua sanksioneve të Rusisë. I konsideruar shpesh si “Putini i vogël”, Vuçiç e pranon se duke refuzuar sanksionet, pozitat e Serbisë në arenën ndërkombëtare janë vështirësuar. Por justifikimi i tij për pozicionin e Serbisë janë përfitimet ekonomike nga Rusia. Në takimin e fundit që pati në nëntor të vitit 2021, Vuçiç siguroi një kontratë të favorshme nga Putini për furnizimin me gaz të Serbisë me çmime shumë të leverdisshme.

Arsyet e Vuçiçit për të mbrojtur Rusinë janë të kuptueshme, qofshin këto ekonomike, historike apo politike, por deklaratat pa sens që bën Rama në panelet me zyrtërt e huaj janë një mister i pazgjidhshëm tashmë prej vitesh.

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...