Artur Meçollari, ish-oficer madhor i Forcës Detare, është paraqitur sërish në SPAK këtë të Mërkurë. Meçollari pritet të japë shpjegime lidhur me kallëzimin e bërë më herët për bazën detare të Shëngjinit.
Për bazën, ai është shprehur më herët se “është ndërtuar brenda pronës që ndodhet në planin e vendosjes dhe të përhapjes të Forcës Detare, që është e ndaluar kategorikisht me ligj”.
Disa ditë më parë, ish-oficeri ishte sërish në SPAK, lidhur me kallëzimin për bazën detare të Limonit në Sarandë, ku dha shpjegime.
Meccolari ka depozituar dy kallëzime në Prokurorinë e Posaçme, një për dhënien me qera të gjiut të Limionit Sarandë dhe ndërtimin e një godine private në bazën e Shëngjinit. Vendime këto që prekin sipas tij, planin e vendosjes dhe të përhapjes pa miratimin e Presidentit të Republikës.
Dy ditë më parë, në Prokurorinë e Posaçme ishte dhe Ministrja e Jashtme Olta Xhaçka, si person i akuzuar, e cila dha shpjegimet e saj.