Demokratët kuksianë votojnë sot në procesin e primareve, për të zgjedhur kandidatin për bashkinë e Kukësit, zgjedhje që do të zhvillohen në datën 24 shtator.
Kryetari i Partisë Demokratike, Sali Berisha ka reaguar në lidhje me këtë proces, duke shkruar se pjesëmarrja në primare është masive.
‘Pjesëmarrje masive në primaret në Kukës!
Ftesë për të gjithë demokratët e Kukësit të marrin pjesë në primare për zgjedhjen e kandidatit të tyre për Bashkinë Kukës. Suksese!’, shkruan kryetari i PD-së, Sali Berisha në Facebook.
Procesi i primareve me parimin një anëtar një votë, për përzgjedhjen e kandidatit, që do të përfaqësojë PD dhe forcat opozitare në zgjedhjet e datës 24 Shtator 2023.
Qendra e votimit do të jetë te Pallati i Kulturës ‘Hasan Prishtina’ Kukës, kati i dytë. Procesi i votimit ka filluar në orën 08:00 dhe përfundon në orën 18.00
Emrat e kandidatëve:
1- Ardian Sokol Elezi
2- Emri Haxhi Vata
3- Gëzim Beqir Shehu
4- Uran Rakip Cengu
5- Ylber Haxhi Zeneli
