Kryetari i PD-së, Sali Berisha, e ka nisur krejt ndryshe, konferencën e përjavshme të shtypit sot. Ai ka prekur një temë të dashur emocionuese, që i ka përfshirë të gjithë shqiptarët brenda dhe jashtë vendit që nga mbrëmja e djeshme.
Berisha tha: " Mirdita! Nuk mund të mos e nis me një përshëndetje të zjarrtë për kuqezinjtë në Çeki me një skuadër realisht shumë të fortë. Goli i Bajramit ishte një gol fantastik i bekur i cili shpresojmë dhe të urojmë që të hapë rrugën për ekipin tonë për vendin që meriton.
Është një formë shumë të veçantë dhe këtu pa diskutim ka trajneri i ri i cili e shof që është një trajner i mençur, ka studiuar shumë mirë të gjitha potencialet e ekipt dhe në udhëheqjen e tij ekipi kombëtar po jep edhe do të japë më të mirën që mundet.
Së dyti gjithnji një përshëndetje të përzemërt tifozëve kuqezi ju e patë ata ishin zotërit e arenës në entuziazmin e tyre dhe ajo energji pozitive e tyre që e ka tërbuar gjithnjë Edi Ramën është një frymëzim i madh për lojtarët dhe një energji pozitive për lojtarët në fushë."
