Sipas Manjanit, personat nën hetim, janë persona ndaj të cilëve nuk ka asnjë provë. Manjani deklaroi se, SPAK është fryrë dhe ndaj tij tani kanë frikë edhe gjykatësit. 

‘Pse mbahet në arrest shtëpie Sali Berisha, Jamarbër Malltezi.

Apo do të duhet të rrinë nga 1 vit, të humbin gjithçka është për të humbur, të duartrokasin edhe politikisht. 

Pse është në burg Fredi Beleri, apo nuk na pëlqen greku i m... se kemi dhe sensin e diskriminimit etnik ne, racë e pastër, ariane, palaço.

E kemi luksin ne që të bëjmë dhe dallime.

Kjo është për të ulëritur.

Çfarë do të thotë kjo, person nën hetim dhe hajde ti fusim në burg, janë mbushur burgjet.

Person nën hetim pa asnjë akuzë të vetme, do të thotë pa asnjë provë.

Unë jam i keqardhur për gjykatësit.

Për shumicën e tyre jam i keqardhur, nuk janë budallenj dhe të paaftë, por janë nën presion të jashtëzakonshëm, për shkak se kemi fryrë një tufë prokurorësh politikisht, shtetërisht, gjithë shoqëria, burg, burg.

I kemi dhënë edhe ca instrumente legale, që nëse gjyqtari guxon të zbatojë ligjin, i sulen dhe e bëjnë copë atë. Ky është fakt, nuk e kam personale.

Drejtësia e re, gjykatësi që duhej të ishte mbi çdo gjë është nën të gjitha gjërat’, - deklaroi Ylli Manjani në SYRI TV.