Pamjet e rrëmbimit të dhunshëm të ish-presidentit Ilir Meta kanë tronditur opinionin publik.

Ato pamje sugjerojnë se arrestimi i dhunshëm i tij në mes të rrugës në një zonë me shumë lëvizje ishte i qëllimshëm dhe i mirëorkestruar. 

Por një denoncim akoma i paverifikuar ka mbërritur në redaksinë e JOQ thekson se ka qenë vetë ministri i Brendshëm, Ervin Hoxha që ka organizuar edhe filmimin.

“Ditën e arrestimit të Ilir Metës që në mëngjes nga ora 6, në ambientet e hotelit ka ardhur policia me agjent civilë, ku kanë kontrolluar hotelin dhe te njëra nga dhomat që shikon nga rruga ka qëndruar një burrë, i cili ka filmuar arrestimin e Metës.

Ajo dhomë ka kamera nga sipër. Në hotel ka ardhur dhe ministri i Brendshëm, ku kanë diskutuar ku do të vendoset kamera.

Neve na nxorën përjashta dhe nga menaxherët jemi kërcënuar që nëse del informacioni, do na heqin nga puna.

E gjitha ka qenë e organizuar dhe policët kanë ndenjur mbi 6 orë në ambientet e hotelit”, shkruan denoncuesi.

Ndërkohë nuk ka një reagim zyrtar për këtë denoncim.