Kush jeton në Tiranë është bërë për të thënë çdo ditë "Zoti na ruajt"... Me një dyshe tipike klienteliste si kryeministri Rama dhe kryebashkiaku Veliaj, çdo interes publik dhe qytetar janë në plan të dytë ose nuk ekzistojnë fare.

Ajo që mund të duket vërtetë si një vendim i çmendur ka të ngjarë që të ndodhë.

Sado që mund të justifikohet me faktin e rritjes së kryeqytetit, ndërtimi i 49 kullave në reja në Tiranë është diçka përtej parashikimeve.

Firma që thuhet se ka marrë "lejen" për të ndërtuar në zonën e Laprakës, është në pronësi të djemve të ish-deputetes Valentina Leskajt, një prej drejtuesve kryesore socialiste, por që në zgjedhjet e fundit Rama e mënjanoi.

E duket se mënjanimi i saj nga qeverisja dhe kuvendi është shpërblyer me një leje për ndërtimin e një kompleksi në zonën e Laprakës, përkatësisht në zonën e doganës.

Lajmin për ndërtimin e këtij kompleksi me 49 kulla e ka dhënë vetë firma ‘Matrix’, e cila ka marrë lejen nga Bashkia e Tiranës dhe qeveria që drejtohet nga Edi Rama.

Ndërtimi i një kompleksi të tillë, kërkon sigurisht edhe burime financiare të mëdha. Firma që ka marrë lejen për të bërë këtë ndërtim, që shkon në të paktën 100 milionë euro fitim, ka të ardhur shumë herë më të vogla se kaq.

Extrakt:

Kompania "Matrix sh.p.k." që do të zhvillojë këtë projekt, raportoi xhiro vjetore prej 79 milionë lekësh në vitin 2016, me një fitim vjetor prej vetëm 10 milionë lekë sipas të dhënave nga bilanci i dorëzuar në Qendrën Kombëtare të Biznesit.

Në vitin 2015, xhiroja e kompanisë ishte 127 milionë lekë dhe fitimi i raportuar 11 milionë lekë.

Një firmë me këtë bilanc nuk ka mundësi reale të ndërtojë një kompleks të tillë. Por, se ku do t'i marrë paratë ‘Matrix’ për ndërtimin e këtij kompleksi, kjo mbete për t'u parë./55news.al/