Nuk është vetëm ministria e Arsimit dhe Sporteve ajo që mbledh të dhënat private të prindërve përmes nxënësve, por edhe një tjetër institucion e bën një gjë të tillë. Është Ministria e Shendetesise dhe e Përkrahjes Sociale, mbi bazën e urdhrit te dhënë nga Kabineti i Kryeministrit, për mbledhjen dhe plotësimin e database te pacienteve, ka urdhëruar te gjitha drejtoritë rajonale te shëndetësisë, te bëjnë regjistrim te ngjashëm, te te dhënave private për pacientet. Denoncimi vjen nga deputeti i Partisë Demokratike Romeo Gurakuqi përmes një statusi në FB.

Ja postimi i plotë i deputetit Gurakuqi

Ministria e Arsimit dhe Sporteve nuk është i vetmi institucion qe jep urdhra për regjistrimin e te dhënave private te qytetareve. Edhe Ministrja e Shendetesise dhe e Përkrahjes Sociale, mbi bazën e urdhrit te dhënë nga Kabineti i Kryeministrit, për mbledhjen dhe plotësimin e database te pacienteve, ka urdhëruar te gjitha drejtoritë rajonale te shendetesise, te bëjnë regjistrim te ngjashëm, te te dhënave private për pacientet. Ky regjistrim është urdhëruar te kryhet përmes një personi te caktuar për çdo qendër shëndetësore.

D.m.th., me urdhër te Kryeministrit Edi Rama, te dhënat private te te gjithë qytetareve shqiptare, duhet te vendosen ne sistemin e drejtuar politikisht, te Ministrisë se Punëve te Brendshme, Ministrisë se Arsimit dhe Sporteve, Ministrisë se Shendetesise dhe përkrahjes Sociale.

Kam mbi dy vite qe kam denoncuar kontrollin ilegal te te dhënave private nga Drejtoria e OSSH Tirane, ne bashkëpunim me Ministrinë e Sajmir Tahirit, për llogari te qendrës informatike te PSSH.

Sot, metastazat e kontrollit policor komunist te shoqërisë, janë shtrire ne çdo pore te administratës shtetërore.

Ftoj Prokuroren e Përgjithshme zonjen Arta Marku, qe është betuar mbi Kushtetute, te hape një hetim KRYESISHT mbi rastin, mbi bazën ku është mbështetur urdherdhenia dhe përdorimi i dhënave private te qytetareve.