Nuk është çudi që Bleonën ta shohim mjaft provokuese dhe pothuaj pa rroba në daljet e saj të rëndësishme për evenimente të ndryshme. 

Sigurisht që çdo dalje e saj bën zhurmë të madhe dhe për këtë ajo shpesh është komentuar që qëllimi i saj është të tërheqë vëmendje.

Por, Bleona ka treguar se është një arsye krejtësisht tjetër ajo që e shtyn atë të ndërmarrë ato veprime. Në një intervistë për prestigjozen “Daily Mail” Bleona është shprhur se zhveshjet e saj në publik janë vetëm art dhe nuk kanë lidhje me kërkesën për të rënë në qendër të vëmendjes.

“Gratë kanë qenë të shtypura aq gjatë, të para si objekte nga burrat në këtë industri. E vesha atë fustan të hapur për fushatën #MeToo (kundër ngacmimeve seksuale). U desh të kuptohej se unë jam e lirë dhe më lejohet të shpreh veten ashtu siç jam në të vërtetë. Të gjitha gratë duhet të ndihen rehat me këdo që janë”,- është shprehur Bleona për “DailyMail”.