Rigels Rajku, i njohur ndryshe si Noizy, është një prej reperëve më të suksesshëm shqiptarë. Këngët e tij kthehen gjithmonë në hite dhe postimet e tij në Instagram nuk kalojnë asnjëherë pa u komentuar.
Me siguri të gjithë e keni vënë re fiksimin e Noizyt për këngëtaren me famë botërore, Rihannën. Reperi shpesh i komenton asaj në foto të ndryshme në Instagram, duke e quajtur edhe ‘nuse’.
Mirëpo veprimi që Noizy ka bërë së fundmi i ka habitur të gjithë fansat. Ai ka publikuar mbrëmjen e kaluar në profilin e tij në Instagram një foto selfie të Rihannës, duke i uruar të gjithë fansave natën e mirë.
Kështu reperi ka treguar edhe një herë pëlqimin e madh që ka për të dhe postimi i tij ka sjellë menjëherë reagime të shumta nga ndjekësit.
