Ish-trajneri i Real Madrid, Zinedine Zidane, i cili befasoi botën e futbollit muajin e kaluar duke njoftuar largimin e tij nga Real Madrid, duket se është duke shijuar në maksimum periudhën e pushimit.
Jemi në muajin e zjarrtë të futbollit, ku janë duke u luajtur ndeshjet e Botërorit “Rusi 2018” , por duket se Zidane është larguar tërësisht nga bota e sportit.
Ai ka zgjedhur Ibizan për të kaluar disa ditë relaksi me bashkëshorten e tij, Veronique. Dhe sigurisht që pas 3 triumfeve radhazi në Champions League, këto pushime janë mëse të merituara për Zinedine Zidane shkruan Daily Mail.
