Pas konfirmimit të lajmit se Cristiano Ronaldo kaloi te Juventus, ylli portugez ka publikuar letrën zyrtare që i ka dërguar drejtuesve te Real Madidit.

Nëpërmjet kësaj letre, Ronaldo ka thënë se këto vite në këtë skuadër kanë qenë më të lumturat e jetës së tij. “Kanë qenë 9 vite unike. Ishte një moment emocional për mua, plot me konsideratë por edhe të vështirë sepse Reali i Madridit është një klub shumë kërkues”, shkruan Ronaldo.

Shkrimi i plotë:

“Këto vite tek Reali i Madridit, dhe në këtë qytet, ishin ndoshta më të lumturat të jetës sime. Kam vetëm vlerësim maksimal për këtë klub, dhe për këtë qytet. Ju falenderoj të gjithëve për dashurinë dhe afeksionin që kam marrë.

Sidoqoftë, mendoj se është koha të hap një fazë të re në jetën time, dhe prandaj i kërkova klubit të pranojë largimin tim, sepse kishte ardhur koha. I kërkoj të gjithëve, në veçanti tifozëve të më kuptojnë.

Ato kanë qenë të mrekullueshëm për 9 vite. Kanë qenë 9 vite unik. Ishte një moment emocional për mua, plot me konsideratë por edhe të vështirë sepse Reali i Madridit është një klub shumë kërkues”  shkruan Ronaldo.