Paris SG ka arritur të sigurojë 3 pikët e radhës në kampionatin francez në sfidën kundër Angers.
Skuadra e drejtuar nga Tuchel e zhbllokoi takimin që në minutën e 12-të, me autor Edinson Cavani-n. Por 10 minuta më vonë do të ishin miqtë ata që do të surprizonin, teksa Mangani ktheu në gol një penallti të fituar.
Pjesa e dytë e lojës do të ishte më e furishme me Mbappe që në minutën e 51-të i dha sërish avantazhin parisienëve. Nuk mund të mungonte as Neymar, i cili në të 66-n vulosi shifrat përfundimtare të takimit, 3-1.
Pas 3 ndeshjesh në “Ligue 1” Paris SG është me pikë të plota, 9-t.
