Kosova U-17 rezultoi “kockë e fortë” për Shqipërinë edhe në miqësoren e dytë që u zhvillua në stadiumin “Loro Borici”.

Kuqezinjtë e drejtuar nga Dzemal Mustedanagic, nuk arritën të tregonin forcën e vërtetë, por të paktën këtë radhë e shmangën humbjen, duke u mbyllur 90 minutëshin në barazim 1-1.

Ishte Kosova e cila zhbllokoi rezultatin në minutën e 55-të me anë të Asllanit, por kuqezinjtë reaguan shpejt, duke kthyer baraspeshën në rezultat në minutën e 79-të, pas një finalizimi të Cahanit.

Ky ishte testi i fundit miqësor para kualifikueseve të Europianit që do të zhvillohen në muajin e ardhshëm.