Ivan Rakitic ishte një ndër emrat më të lakuar gjatë merkatos së fundit, me PSG-në dhe Manchester City-n që tentuan firmën me yllin kroat. Megjithatë, legjenda e futbollit italian, Andrea Pirlo e ka sugjeruar emrin e 30-vjeçarit drejtuesve të Interit. Sipas tij, Brozovic ka cilësi por i duhet vazhdimësi për të shkuar më tej.

“Brozovic mund të jetë cilësor për Interin, por ai ka nevojë për vazhdimësi. Blerja e përsosur për mesfushën e Interit do të ishte Rakitic”,-këshillon Pirlo.

Kroati refuzoi një ofertë nga PSG këtë verë dhe nuk duket se ka ndërmend të largohet nga Barcelona.