Mesa duket Skënderbeu nuk dëshiron të ndalet, duke siguruar edhe fitoren e radhës. Korçarët kanë mundur me rezultatin 0-2 Luftëtarin në transfertë, por duke bërë edhe një paraqitje fantastike. Skuadra e drejtuar nga Orges Shehi, ka pasur disa mundësi të mira për të shënuar në pjesën e parë, por Gripshi, Bregu e Krasniqi shpërdoruan shumë.
Mirëpo qenë i sapo aktivizuari, Ardit Hoxhaj ai që hapi serinë e golave në minutën e 67-të, ndërkohë që në minutën e 80-të, ka qenë radha e Bruno Ditës për të shënuar golin e dytë dhe të fitores për korçarët. Me këtë rezultat, Skënderbeu ngjitet në vendin e parë me 17 pikë, 1 më shumë se Partizani që pritet të luajë nesër. Ndërkohë, Luftëtari mbetet në kuotën e 6 pikëve.
