Sadiku flet si lojtar i Malagës: Erdha për të qënë titullar, ja çfarë më tha Bare

E Enjte, 05 September 2019 17:23

Armando Sadiku është tashmë një futbollist i Malaga në Segunda Division. Sulmuesi elbasanas u bind nga projekti i klubit legjendar spanjoll dhe mungesa e hapësirave te Levante e shtyu të gjej formën diku tjetër.

Ndërkohë, "bomberi" i kombëtares shqiptare ka folur për herë të parë që prej transferimit te Malaga, ku ka zbuluar se është pritur mirë nga lojtarët dhe stafi, duke veçuar lojtarin e kombëtares kuqezi, Keidi Bare dhe trajnerin, Victor Sanchez.

"Trajneri më tha se nuk kishte sulmues dhe unë do të luaj. Kështu që unë jam i lumtur që gjeta akordin dhe jam këtu tashmë. Unë jam një lojtar që më pëlqen pozicionimi në qendër të mbrojtjes dhe të shënoj gola. Vij për të ndihmuar ekipin. Sot unë bëra stërvitjen time të tretë. Trajneri është një person shumë i mirë. Ai më ka shpjeguar pak se si luajmë. Jam shumë i lumtur. Jam pritur shumë mirë nga ai dhe ekipi" .-tha fillimisht lojtari kuqezi.

Sa i përket pritjes te Malaga dhe bisedave me shokun e tij të skuadrës edhe në kombëtare, Keidi Bare, Sadiku u shpreh.

"Keidi është lojtari i parë që bisedova me të. Ai më tha që kemi një ekip të mirë, vitin e kaluar dhe këtë vit gjithashtu. Jemi në një ekip të mirë, që nuk po gjen forcën për tu ngjitur në La Liga. Kjo më ka motivuar më shumë të vijë [qesh] . Bare më ka treguar për klubin dhe qytetin dhe tani është koha për të punuar. "-shtoi sulmuesi.

Ndërkaq, Sadiku zbuloi se Malaga nuk ishte skuadra e vetme që e kërkoi, por ishte ajo që e bindi.

"Kisha dy ose tre oferta në ditët e fundit. Kur doli opsioni Malaga prita të vinte këtu, prita dy ditë. Është një klub i madh. Klima në dhomat e zhveshjeve është e mirë. Trajneri na motivon çdo ditë, që nga dita e parë. Gjithçka është në rregull, ne thjeshtë po mendojmë të luajmë, nuk mendojmë për gjë tjetër."-përfundoi Sadiku.

Sulmuesi 28 vjeçar kaloi te Malaga në formulën e huazimit të thjeshtë nga Levante, aty ku pritet të ketë më shumë minuta në këmbë. Forma e treguar te Levante e "largoi" edhe nga kombëtarja shqiptare, me teknikun Edi Reja që nuk e preferoi Sadikun për dy takimet kualifikuese të Euro 2020 ndaj Francës më 7 shtator dhe Islandën tre ditë më pas.

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

E bujshme nga Gjermania, Xhaka kërkohet nga dy skuadrat rivale

Sport

E bujshme nga Gjermania, Xhaka kërkohet nga dy skuadrat rivale

Milan nuk është skuadra e vetme e interesuar për Granit Xhakën. Mesfushori shqiptar i kombëtares së Zvicrës duket se e ka caktuar tashmë të ardhmen. Konfliktet e fundit me tifozët dhe...

Askush nuk e ka bërë më parë, Mourinho do të provojë rekordin historik!

Sport

Askush nuk e ka bërë më parë, Mourinho do të provojë rekordin historik!

Jose Mourinho ka marrë drejtimin e Tottenham, duke zëvendësuar Mauricio Pochettinon. “Special One” e merr në një moment aspak të mirë ekipin e “gjelave”, pasi në Premier League, ata kanë...

E FUNDIT: Juventusi dërgon mjekun për të ndihmuar futbollin shqiptar!

Sport

E FUNDIT: Juventusi dërgon mjekun për të ndihmuar futbollin shqiptar!

Një ekspert i mjekësisë sportive për futbollin shqiptar! Nga "J-Medical", pra "Juventus Medical" në Torino te ambjentet e federatës shqiptare të futbollit, në seminar me përfaqësues stafesh mjekësore nga Kategoria...

Sondazh

Nothing found!

Sondazh

Nothing found!