Zlatan Ibrahimovich është shumë pranë kalimit te skuadra e Milanit. Suedezi është objektivi kryesor i kuqezinjve për merkaton e janarit, ku drejtuesit e klubit kërkojnë eksperiencë dhe një lider në skuadër.

Mbrëmjen e djeshme, La Gazzetta dello sport, zbuloi që Napoli i bëri një ofertë 18 mujore Ibrahimovich, por së fundmi e njëjta gazetë vjen me lajme të reja.

Sipas gazetës, 38 vjeçari ka zgjedhur një rikthim te Milani, dhe këtë ia ka komunikuar të afërmve dhe miqve të tij.

Detajet që po e vonojnë konfirmimin e kësaj lëvizjeje, janë ato ekonomike, teksa Ibrahimovich nuk është i kënaqur me pagën në kontratën e tij, por në këtë pikë gjithçka duket formalitet.