Italia vijon të tregoj një performancë të jashtëzakonshme Euro 2020, duke i mahnitur të gjithë ata që në fillim të sezonit dyshonin tek ky ekip. Azurrët bën të njëjtën gjë edhe me Belgjikën, duke fituar në fund me rezultatin 2-1. Dhe këtë e tregojnë shifrat dhe rekordet që vendosen azurrët në sfidën e fundit.

Italia stabilizoi serinë më të gjatë të fitoreve, me 15 të tilla mes kualifikueseve dhe fazës finale të një Europiani. Plot 90 gola për Italinë e Roberto Mançinit, që tani ka arritur atë të Arrigo Sakit.

Goli i Lorenco Insinjes ishte i 11-ti për Italinë në këtë “Euro 2020”: rekord absolut për “Axurrët” në një Europian të vetëm, ndërsa herën e fundit që kanë shënuar më shumë në një kompeticion madhor ka qenë në Botërorin e 2006-ës (12). Por Italia mund ta arrijë ose thyejë këtë në ndeshjen gjysmëfinale.

Kombëtarja azurre ka shënuar 5 gola me mesfushorë: asnjë skuadër nuk ka bërë më mirë në këtë Europian. Ndërsa secili nga 6 golat e Nikolo Barelës me Italinë është shënuar në pjesën e parë.

Sfida ndaj Belgjikës ishte e 50-a e Çiro Imobiles me fanellën e kombëtares italiane, ndërsa e 100-a si titullar për Leonardo Bonuçin. Është lojtari i 8-të që arrin këtë kufi. Italia ka aktivizuar 25 lojtarë në këtë Evropian, si asnjë skuadër tjetër. Vetëm portieri i tretë Meret nuk ka marrë minuta.