Shqipëria mund Hungarinë në Budapest, falë golit të talentit Broja. Jemi në vendin e dytë në grup, pas Anglisë

Diel, 10 October 2021 09:06

 

Ëndrra për të ruajtur vendin e dytë dhe për të shkuar në Kupën e Botës mbetet ende e ndezur. Kombëtarja jonë ka arritur që të marrë një fitore historike 1-0 në transfertën ndaj Hungarisë, në duelin e luajtur në stadiumin hungarez “Puskas Arena”.

 

Pjesa e parë dhuroi shumë pak emocione, duke evidentuar vetëm një goditje të Keidi Bare-s nga distanca që u devijua nga mbrojtësit vendas. Në fillimin e pjësës së dytë, Myrto Uzuni bëhet protagonist në dy raste duke humbur një mundësi përballë portierit, dhe më pas ja jep topin në dorë pas një goditje me kokë.

Hungaria u kundërpërgjigj me një rast të mbrojtësit Slazai, që për fatin tonë të mirë shkoi në shtyllë. Reja ndërhyri duke aktivizuar Brojën dhe Manajn në 20 minutat e fundit. Armando Broja e shpërbleu mjaft mirë besimin e trajnerit duke shënuar një super gol në minutën e 80-të me driblime mjaft të mira dhe një goditje nga një pozicion shumë i vështirë.

Ishte gol botëror i Brojës.

HUNGARI-SHQIPERI 0-1

1′ Starton ndeshja ne “Puskas Arena”

10’ Keidi Bare ka një mundësi shumë të mirë në hyrje të zonës, por tentativa e tij ndalet në mbrojtjen e vendasve

20′ Ismajli largon një rrezik të hungarezëve në këndore. Për fat topi u largua nga mbrojtësit tanë në këndore.

30’ Federic Veseli futet në fushën e lojës, duke zënë vendin e Gjimshitit, i cili është i dëmtuar dhe nuk mund të vijonte lojën

42’ Myrto Uzuni ka një shans të artë përballë portierit, por sulmuesi beratas gabon duke mos arritur që ta mposhtë. Arbitri gjithsesi jep pozicion jashtë loje pas përfundimit të aksionit

46’ Pjesa e dytë nis mjaft mirë për vendasit që shpërdorojnë një mundësi të artë shënimi me Solloi që gaboi nga një pozicion shumë i favorshëm

50’ Cikalleshi ka një rast të artë brenda zonës, por bllokohet nga mbrojtësi vendas me trup, edhe pse sulmuesi këmbënguli për prekje të topit me dorë

58’ Myrtro Uzuni del mjaft mirë me një kundërsulm të shpejt dhe vendoset thuajse përballë portierit, por sërish sulmuesi shqiptar nuk arrin të mposht portierin Gulasci

65’ Trashi jep një asist perfekt në zonë për Uzunin, por sërish ky i fundit është i pafat, duke e dërguar topin në duart e portierit kundërshtar

74’ Hungaria i afrohet shumë pranë golit të avantazhit me mbrojtësin Szalai, por devijimi i tij përfundon në shtyllën e majtë të portës së Berishës

80’ GOOOL Armando Broja është i jashtëzakonshëm. Sulmuesi i talentuar dhuron spektakël në “Puskas Arena” duke shënuar nga një pozicion shumë i prirët

Lini komentin tuaj!

Fyerjet dhe përdorimi i fjalëve banale, do të pasoj me fshirjen e komentit tuaj.

Lajmet e fundit

Publikohen pamjet e parcelave me kanabis/ Gazetarja: Bima është në proces tharje, shumë shpejt do trafikohet drejt BE

Kronikë

Publikohen pamjet e parcelave me kanabis/ Gazetarja: Bima është në proces tharje, shumë shpejt do trafikohet drejt BE

Fenomeni i kanabizimit të vendit vazhdon të jetë prezent në territorin shqiptar. Mbrëmjen e sotme emisioni “Në shënjestër”, në News24, ka publikuar pamje nga një kapanon, ku kultivohet dhe thahet...

Ndoka: Rama ka shumë frikë Berishën, Basha pa marrë divorcin u martua me Edin

Politikë

Ndoka: Rama ka shumë frikë Berishën, Basha pa marrë divorcin u martua me Edin

  Ish-kreu i Partisë Demokristiane, Nard Ndoka teksa komentoi deklaratën e Sali Berishës se ky i fundit do të garojë për të qenë sërish në krye të PD-së, pohoi se kryeministri...

Skandali në universitete: U dhanë miliona euro për karburant e ngrohje edhe pse auditoret ishin pa studentë

Aktualitet

Skandali në universitete: U dhanë miliona euro për karburant e ngrohje edhe pse auditoret ishin pa studentë

  Kërkimet shkencore në Shqipëri mbeten pa fonde. Universitetet kanë dhënë miliona euro për sigurinë e godinave, karburant makinash dhe ngrohje edhe pse studentët nuk ishin në auditore. Edhe kur në auditore...