×

Warning

JUser: :_load: Unable to load user with ID: 61

Gjyqtari anësor Ilir Tartari me 3 të qepura: Ju tregoj dhunën në Vlorë

Diel, 06 May 2018 10:03

Ilir Tartari nuk ka bërë ndoshta ndeshjen perfekte në Vlorë, por kurrë nuk e kishte menduar se prej aty do të dilte me tre të qepura në vetull. Situata është tensionuar tej mase në fund të takimit dhe anësori i ndeshjes Flamurtari-Vllznia 1-1 ka përfunduar në spital, pasi e kanë goditur disa herë në fytyrë.

Ai akuzon administratorin e Flamurtarit, Sinan Idrizin, për shkaktarin e dhunës dhe nxitës të saj.

Në një prononcim për “Panorama Sport” pas ndeshjes, ai mohon që të ketë sharë dhe të ketë fyer ndokënd, ashtu sikundër pretendon administratori i Flamurtarit, Sinan Idrizi.

Tartari, çfarë ndodhi pas ndeshjes?
Pasi përfundoi ndeshja, ne si procedurë, pra asistenti i parë e ka për detyrë të futet në tunel midis dy dhomave të ndeshjes. Në këtë moment, kur unë po prisja që të vinin të gjithë futbollistët brenda, mbrapa derës së xhamit që është te stadiumi, futet Sinan Idrizi duke sharë dhe duke ofenduar dhe Sinani vetë kërcënoi edhe policët që ishin aty, duke u thënë “mos veproni dhe mos bëni asnjë lloj gjëje”.

Në këtë moment, duke parë që isha i hutuar vjen dikush dhe më godet me grusht. Nuk e mora vesh kush ishte. U bë rrëmujë totale dhe unë u nisa për në dhomë, por duke shkuar për aty më goditi sërish dikush tjetër.

Një djalë i gjatë me aq sa mbaj mend… Vendosa të kthehem mbrapa, por në atë moment shoh Sinan Idrizin që tenton të më godasë me shkelma.

Po më shante mua, presidentin e FSHF-së dhe të gjithë ne që ishim aty. Vetëm policët nuk po i shante.

Tentoi më pas të godiste edhe arbitrin kryesor, por nuk ia doli. Ne më pas, me ndihmën e policëve hymë në dhomat e zhveshjes.

Po ju a e ofenduat Idrizin, a shatë njeri aty në stadium?
Jo, fare. Po si mund të shanim ne aty, kur ne po goditeshim nga të gjitha anët.

Sa të qepura keni?
Kam tre të qepura. Por ju lutem, këto detaje mos i publikoni sepse ne jemi familjarë. Nuk është mirë që të alarmohen familjarët dhe të përjetojnë edhe ata stresin tonë.

A keni shkuar ju në polici pas ngjarjes?
Ne kemi qëndruar në dhomë, bëmë kallëzimin në prani të oficerit të policisë gjyqësore. Më mori policia më pas dhe më çoi në spital. Shkuam atje, mora mjekimin e duhur…

Çfarë ndodhi në spital?
Më qepën plagën dhe më bënë dy gjilpëra.

Po më pas?
Më pas u nisa drejt Fierit dhe policia na shoqëroi deri në dalje të Vlorës. Kjo është e gjitha./Panorama.com.al/

Burimi: http://www.panorama.com.al/sport/ekskluzive-anesori-tartari-me-3-te-qepura-ju-tregoj-dhunen-ne-vlore/

Login to post comments

Lajmet e fundit

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Politikë

Gëzim Sadikaj: Si perfaqesues i banoreve qe protestuan kunder grabitjes se shtepive dhe prones nga pushteti.

Nga Gezim Sadikaj: Si perfaqsues i banorve qe protestuan kunder grabitjes se shtepive dhe prones nga pushteti.Shebull tipik i kesaj masakre eshte dhe familja Billa prej 20 antaresh!Mervet Billa dhe Izet...

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

Globi

Sulmet e NATO-s mbi Beograd 25 vite më parë/ Analiza: Ja pse nuk mund të krahasohet situata e Kosovës me Ukrainën sot

NATO sulmoi trupat serbe në vitin 1999 për të parandaluar një “katastrofë humanitare” në Kosovë. Krahasimi me Ukrainën është i gabuar.   Pas disa muaj negociatash, të cilat nuk dhanë rezultate, më...

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

Ekonomi

Rritja e kostove dhe ulja e fitimeve, bizneset në Shqipëri nuk po investojnë më! Analiza: Po ushqehemi me importe!

    Rritja e kostove, frenimi i konsumit, ulja e fitimeve ka bërë që bizneset të reduktojnë investimet në makineri e pajisje. Ulja e konkurrueshmërisë nga bizneset vendase po i lëshon gjithnjë e...