Alexander Zverev është fituesi i turneut Masters të Madridit. Talenti gjerman mposhti në finale një prej lojtarëve më të mirë në qarkullim në sipërfaqet me dhè, pikërisht Dominic Thiem me rezultatin 2-0 me sete 6-4; 6-4.
Me këtë fitore ai e çon në 3 numrin e trofeve të fituar në turnetë Masters për të përfshirë veten mes tenistëve në aktivitet që kanë triumfuar në të paktën 3 kompeticione të tille duke iu bashkuar me ‘4 Fantastikët’, Nadal, Djokovic, Federer dhe Murray.
Ndërsa për Thiem ky është viti i dytë radhazi që humbet finalen e Madridit, vitin e kaluar humbi ndaj Nadal të cilin e eliminoi në çerekfinale këtë vit.
Për Zverev, ai i Madridit është jo vetëm titulli i tretë në Turnetë Masters, por është edhe i 8-ti në total në karrierën e tij të re dhe i dyti për vitin 2018 pas suksesit të arritur në Stuttgart, edhe ky eveniment në sipërfaqet me dhè.
Ndërsa për Thiem, kjo është finalja e 6 e humbur në 15 të luajtura dhe e para e humbur në 2018 pas triumfit në Buenos Aires.
