Gjyqtari serb, Srdjan Obradovic është dënuar nga drejtësia e vendit të tij me 30 ditë heqje lirie.

Ai u arrestua të martën me akuzën se ka favorizuar Spartak në ndeshjen kundër Radnicki.

Obradovic ndikoi jo pak në ndeshjen vendimtare për arritjen e një vendi në Europa League, që në fund u fitua 3-0 nga Spartak. Sipas akuzës ai ka favorizuar dukshëm vendasit duke dhënë dy 11-metërsha, njëri prej të cilëve krejtësisht absurd.

Gjyqtari Obradovic, sipas shtypit, edhe në të kaluarën kishte qenë në qendër të polemikave dhe protestave për vendime të diskutueshme, krejtësisht të gabuara.