Sonte do të luhet java e fundit e Seria A, ku përveç të tjerave, do të vendoset dhe bileta e fundit për në “Champions League”.

Në  “Olimpico” në orën 20:45 do të ketë 90 minuta “luftë” mes Lazio-s dhe Inter-it për një vend në kampionati e  kampionëve.

Duke u mbështetur në rezultatet e deritanishme nëse fiton Inter, merr vendin e katërt në tabelën e Serie A që e çon direkt në fazën në grupe të Champions League. Nga ana tjetër Lazio me dy rezultate shkon në Champions, pasi është tri pikë shkëputur nga zikaltërit.

Diferenca mes këtyre dy skuadrave qëndron se Interi nuk gabon shumë jashtë, ndërsa Lazio nuk gabon në ndeshjet brenda. Gjithçka mbetet e hapur për mbrëmjen e sotme.

Formacionet zyrtare të dy skuadrave janë:

Lazio: Strakosha, Luis Felipe, Wallace, Radu, Marusic, Lucas Leiva, Murgia, Milinkovic-Savic, Lulic, Anderson, Immobile. Trajner: S.Inzaghi

Inter: Handanovic, Cancelo, Skriniar, Miranda, D’Ambrosio, Vecino, Brozovic, Candreva, Rafinha, Perisic, Icardi. Trajner: L.Spalletti