Gjigandi i Liverpul, Mohamed Salah, është i njohur për shpejtësinë e tij, kështu që nuk është një surprizë që ai është renditur i pari në listën e lojtarëve më të shpejtë të këtij edicioni të Champions League.

Ylli i Liverpulit ka shënuar 44 gola në të gjitha takimet dhe do të shpresojë të gjejë rrjetën edhe mbrëmjen e sotme kundër Real Madrid.

Egjiptiani është arma më vrasëse e kundërsulmeve të skuadrës së Klopp. Shpejtësia maksimale e regjistruar nga ai në Champions ka qenë 33.8 km/h.

Pas tij vijnë sulmuesi i United, Marcu Rashford (33.5 km/h) dhe mbrojtësi i Manchester City, Kyle Walker (33.3), i cili e ndan vendin e tretë me Ousmane Dembele.

Pesëshja kompletohet me mbrojtësin e Roma-s, Kostas Manolas (33.1 km/h).